Rossiya prezidenti Vladimir Putin va Xitoy raisi Si Szinpin 3-iyul, dushanba kungi uchrashuv davomida Koreya yarimorolidagi vaziyat va Suriya masalasini muhokama qildi. Bu haqda “RIA Novosti” xabar bermoqda.
Xitoy rahbari Moskvada ikki kunlik tashrif bilan bo‘lib turibdi. Dushanba kuni ikki yetakchi Kremlda norasmiy uchrashuv o‘tkazdi.
“Yetakchilar Koreya yarimoroli va Suriyadagi vaziyat bo‘yicha fikr almashdi. Ikki tomon ham Xitoy va Rossiya Koreya yarimoroli yadro muammosini muloqot va muzokaralar yo‘li bilan hal etish uchun strategik sheriklikni saqlab qolishi lozimligi haqida yakdil fikrga keldi”, — deyiladi “Sinxua” agentligi xabarida.
Agentlikka ko‘ra, Putin va Si Szinpin AQShning THAAD raketaga qarshi mudofaa tizimlari Janubiy Koreyada joylashtirilishiga qarshi ekanliklarini yana bir bor tasdiqladi.
Izoh (0)