Tataristonning Zainsk tumanida yuk avtomobili va avtobus ishtirokidagi YTHda 13 kishi halok bo‘ldi. Bu haqda respublika sog‘liqni saqlash vazirligi ma’lum qildi, deb xabar beradi “Interfaks”.
“Hodisa oqibatida 28 kishi jabrlandi: ulardan 13 nafari o‘ldi, 15 kishi jarohatlandi. 12 kishi kasalxonalarda qolmoqda, uch kishiga ambulator davolanishga ruxsat berildi”, — dedi vazirlik matbuot kotibi Oygul Salimzyanova.
2-iyul, yakshanbaga o‘tar kechasi Zainsk shahridan 9 kilometr uzoqda KamAZ yuk avtomobili va “Neoplan” yo‘lovchi avtobusi to‘qnashdi. Samara — Ijevsk yo‘nalishida harakatlanayotgan avtobus ag‘darildi va yonib ketdi.
Izoh (0)