Isroil sobiq bosh vaziri Exud Olmert 2-iyul, yakshanba kuni muddatidan avval qamoqxonadan ozod etildi. Bu haqda “TASS” xabar bermoqda.
Korrupsiyada ayblangan Olmert sud tomonidan 27 oy qamoq jazosiga hukm qilingandi. U mazkur muddatning 16,5 oyini o‘tadi. Endi 71 yoshli sobiq bosh vazir oyiga ikki bor politsiyada qayddan o‘tishi va volontyorlik tashkilotlari faoliyatida ishtirok etishi lozim.
Isroil qamoqxonalar boshqarmasi shartli-muddatidan avval ozod qilish komissiyasi 29-iyun kuni Exud Olmertning 2016-yil 15-fevraldan beri bo‘lib turgan “Maasiyagu” qamoqxonasidan muddatidan oldin chiqarish to‘g‘risidagi iltimosini qondirdi.
Ma’lumot uchun, yahudiy davlatining sanoq bo‘yicha 12-bosh vaziri Isroil tarixida panjara ortiga yo‘l olgan birinchi hukumat rahbari bo‘ldi.
Izoh (0)