“Aloqabank” va “Asaka” banki avtokredit berishni boshladi

2017-yilning iyunidan boshlab O‘zbekiston fuqarolari mamlakatda ishlab chiqarilgan avtomobillarni kreditga olish imkoniyatiga ega bo‘ldi, deb xabar berdi Norma.

Avtokredit olish uchun banklarning talabi:

1. Pasportning asli va uning kseronusxasi;
2. Yashash joyidan ma’lumotnoma;
3. Ish joyidan so‘nggi 12 oy bo‘yicha daromad ma’lumotnomasi (lavozimi ko‘rsatilgan holda va ish beruvchining nomi hamda STIRi)
4. Kredit oluvchining STIRi (INN) hamda shaxsiy pensiya jamg‘armasi hisobi daftarchasining (INPS) nusxalari (INPS saqlovchi bankning kodi);
5. Avtosalon bilan shartnoma.

“Asaka” hamda “Aloqabank” hujjatlar bilan 5 ish kuni davomida tanishib chiqadi.

“Asaka” bankining talablari

Avtokredit muddati jismoniy shaxslar uchun 3 yilni tashkil etadi. Kreditning stavka foizlari dastlabki to‘lov miqdoriga bog‘liq.

• Mashina narxining 35 foizigacha — yillik stavka 18 foiz;
• Mashina narxining 45 foizigacha — yillik 17 foiz;
• Mashina narxining 45 foizdan yuqorisi — yillik 16 foiz;
• Boshlang‘ich to‘lovsiz — yillik 23 foiz.

Kreditni to‘lashda 3 oy imtiyozli davr mavjud. Bunda to‘lovchi 3 oy mobaynida faqatgina foizlarni to‘lab, asosiy qarzni to‘lamaydi.

Bundan tashqari yosh oilalarga (er-xotinning har birini yoshi o‘ttizdan oshmagan bo‘lishi kerak) avtomobil sotib olishda 9 foiz svatkali kreditlar taqdim etiladi. Faqatgina ular avtomobil narxining 25 foizidan kam bo‘lmagan to‘lovini amalga oshirishlari lozim.

“Aloqabank”ning talablari

Ushbu bank avtokreditlarni 4 yil muddatga taqdim etadi. Bunda ham foiz stavkasi boshlang‘ich to‘lovga bog‘liq.

• Mashina narxining 30 foizgacha — yillik stavka 16 foiz;
• Mashina narxining 40 foizigacha — yillik 15 foiz;
• Mashina narxining 50 foizdan yuqorisi — yillik 14 foizga teng.

Ushbu bankda avtomobil sotib olish uchun boshlang‘ich to‘lovni amalga oshirmasdan turib kredit olish belgilanmagan. Shuningdek, kreditni to‘lash uchun imtiyozli davr va yosh oilalar uchun imtiyozli foiz stavkalari ham mavjud emas.

Avtokredit bo‘yicha to‘liq ma’lumotlar bilan quyidagi havola orqali tanishishingiz mumkin.