“Issiqko‘l” xalqaro aeroporti 2017-yilda Qozog‘iston, O‘zbekiston va Rossiyadan yo‘lovchilarni qabul qiladi, deb yozadi KNews kompaniya matbuot xizmatiga tayanib.
Aeroport 2017-yildagi ilk yo‘lovchilarni 30-iyunda qabul qilishni rejalashtirmoqda. Dastlabki ma’lumotlarga ko‘ra, Tomchi qishlog‘iga O‘shdan yo‘l olgan bort kelib qo‘nadi. O‘sh — Issiqko‘l — O‘sh reyslari haftada ikki kun — juma va yakshanba kunlari amalga oshiriladi.
4-iyul kuni Olmaota va Toshkentdan, 6-iyul kuni esa Novosibirskdan reyslar yo‘lga qo‘yiladi. 2017-yilda Qozog‘istondan sakkizta muntazam reyslar amalga oshirilishi rejalashtirilmoqda, ular dushanba, payshanba va juma kunlari yo‘lga qo‘yiladi. Seshanba va chorshanba kunlari esa aeroport Toshkent va Novosibirskdan kelgan reyslarga xizmat ko‘rsatadi.