«Иссиқкўл» халқаро аэропорти 2017 йилда Қозоғистон, Ўзбекистон ва Россиядан йўловчиларни қабул қилади, деб ёзади KNews компания матбуот хизматига таяниб.
Аэропорт 2017 йилдаги илк йўловчиларни 30 июнда қабул қилишни режалаштирмоқда. Дастлабки маълумотларга кўра, Томчи қишлоғига Ўшдан йўл олган борт келиб қўнади. Ўш — Иссиқкўл — Ўш рейслари ҳафтада икки кун — жума ва якшанба кунлари амалга оширилади.
4 июль куни Олмаота ва Тошкентдан, 6 июль куни эса Новосибирскдан рейслар йўлга қўйилади. 2017 йилда Қозоғистондан саккизта мунтазам рейслар амалга оширилиши режалаштирилмоқда, улар душанба, пайшанба ва жума кунлари йўлга қўйилади. Сешанба ва чоршанба кунлари эса аэропорт Тошкент ва Новосибирскдан келган рейсларга хизмат кўрсатади.
Изоҳ (0)