Toshkent shahrida 8-iyun kuni uchta yo‘l-transport hodisasi qayd etildi, mazkur avariyalar oqibatida 2 nafar shaxs tan jarohati olgan, 1 kishi vafot etgan. Bu haqda Toshkent shahar IIBB matbuot xizmati xabar bermoqda.
8-iyun kuni yo‘l-patrul xizmati inspektorlari tomonidan jami 4107 ta huquqbuzarliklar bo‘yicha ma’muriy bayonnomalar rasmiylashtirilgan bo‘lib, shulardan 924 tasini qo‘pol turdagi, 12 tasini mast holda transport vositasini boshqarish tashkil etgan.
Toshkent shahar IIBB YHXB kompyuterlashtirilgan boshqaruv tizimi tomonidan 8-iyun kuni jami 1145 ta qoidabuzarliklar qayd etilgan bo‘lib, shulardan 646 tasini svetoforning taqiqlovchi chirog‘iga bo‘ysunmasdan harakatlanish, 499 tasini belgilangan me’yordan yuqori tezlikda harakatlanish tashkil etadi.
Izoh (0)