Hindistonning “Newsnation.in” nashri xabariga ko‘ra, shu yilning aprelida Hindistonga o‘zbekistonlik tadqiqotchilar Zahiriddin Muhammad Boburning Hindistondagi hayoti haqidagi ma’lumotlarni, uning Boburiylar imperiyasi asoschisi sifatidagi merosini, shuningdek, o‘sha davrdagi O‘zbekiston va Hindiston tarixiy-madaniy aloqalarini o‘rganish maqsadida tashrif buyurdi. Ishlar butun dunyo bo‘ylab O‘zbekiston haqidagi tarixiy ma’lumotlarni yig‘ishga qaratilgan “O‘zbekistonning madaniy merosi dunyo badiiy to‘plamlarida” loyihasi doirasida amalga oshirilmoqda.
O‘zbekistonlik ekspertlar uchun Hindiston Milliy muzeyidagi o‘sha davrga tegishli tarixiy hujjatlar, shuningdek, O‘zbekistonda yaratilgan va Boburiy hukmdorlarga hadya etilgan Muqaddas Qur’on qo‘lyozmasi, bundan tashqari, Boburning hayoti haqidagi “Boburnoma” kitobining turkiy tildagi 15 ta nusxasi alohida ahamiyat kasb etadi.
Ta’kidlanishicha, O‘zbekistonda Boburni davlat darajasida buyuk tarixiy arbob sifatida hurmatlashayotgan bir paytda Hindiston tadqiqot doiralarida uning ushbu mamlakat tarixidagi roli haqida bahslashishda davom etishmoqda. O‘ng qarash tarafdorlari Boburni va boshqa boburiylar hukmdorlarini Hindistonni talon-taroj qilgan va o‘z hukmdorligi oxirigacha shunday bo‘lib qolgan “bosqinchilar” sifatida baholamoqda.
Hindistonning o‘ta o‘ng “Bxaratiya janata parti” partiyasi Hindistonda Boburiylar sulolasi vakillari sharafiga nomlangan ko‘chalar nomlarini o‘zgartirish tashabbusini ilgari surmoqda.
“Avrangzeb: Odam va Afsona” kitobi muallifi, tarixchi Odri Trushke fikricha, hozirda Boburiylarga otilayotgan ta’na toshlari Hindiston tarixiga aloqador emas. Bu ko‘proq mamlakatning joriy siyosati bilan bog‘liq. Uning so‘zlariga ko‘ra, “Hindiston madaniy, tilshunoslik, siyosiy va iqtisodiy jihatdan aynan Boburiylar tomonidan shakllantirilgan”.
Izoh (0)