Indoneziya barcha orollarini qayta hisoblab chiqadi

Indoneziya mamlakat hududi va zaxiralarini himoya qilish maqsadida o‘zining barcha orollarini qayta hisoblab chiqadi. Bu haqda “RIA Novosti” xabar berdi.

1996-yilgi mahalliy qonunga ko‘ra, dunyoning eng katta orol-davlatidagi orollar soni 17508 tani tashkil etadi. Biroq bu raqam taxminiy bo‘lib, BMT tomonidan tasdiqlanmagan.

Mamlakat rasmiylari orollar sanog‘ini Nyu-Yorkda 8—17-avgust kunlari bo‘lib o‘tadigan BMTning geografik nomlarni standartlashtirish bo‘yicha anjumaniga qadar yakunlashni rejalashtirmoqda.