London fuqarosi kechki ovqatga pul to‘lash uchun teraktdan so‘ng restoranga qaytib keldi

Terrorchilar hujumiga guvoh bo‘lgan London fuqarosi kechki ovqat uchun pul to‘lash va ofitsiantlarga choychaqa qoldirish uchun ertasi kuni restoranga qaytib keldi, deb yozadi “RIA Novosti”.

Richard Enjell BuzzFeed nashriga so‘zlab berishicha, 4-iyun, yakshanbaga o‘tar kechasi u do‘stlari bilan restoranda o‘tirgan. “Kutilmaganda restoran soqchilari eshiklarni berkita boshladi, odamlarga esa engashishni aytishdi”, — dedi u.

Politsiyachilar sanoqli daqiqalarda voqea joyiga yetib kelgan, shundan so‘ng otishma tovushlari eshitilgan.

4-iyunga o‘tar kechasi Londonda ketma-ket teraktlar sodir bo‘ldi, natijada yetti kishi halok bo‘ldi, 50 ga yaqin kishi yaralandi.