BMT Xavfsizlik kengashi rezolyutsiyasiga qaramay, Pxenyan yadroviy qurollanish dasturini rivojlantirishda davom etmoqchi, deb yozadi “Vesti.ru”.
Shimoliy Koreya tashqi ishlar vazirligi vakili mamlakat unga qanchalik bosim o‘tkazilishiga qaramay, yadro kuchlarini rivojlantirish yo‘lidan qaytmasligini ma’lum qildi. Uning ta’kidlashicha, ushbu yo‘l KXDR suverenitetini himoya qilish va uning mavjud bo‘lish huquqini ta’minlash uchun tanlangan. Sanksiyalarni esa u mamlakatni iqtisodiy bo‘g‘ish maqsadidagi “dushmanlarcha harakat” deb atadi.
Nashr eslatishicha, 2-iyun, juma kuni BMT Xavfsizlik kengashi bir ovozdan KXDRga qarshi sanksiyalarni kengaytirishni ko‘zda tutuvchi rezolyutsiyani qabul qildi. Davom etayotgan raketa parvozlari tufayli joriy qilingan taqiqlar (safar qilishga) va aktivlarning muzlatilishi to‘rtta kompaniya va 14 shaxsga nisbatan amal qiladi.
Izoh (0)