Britaniyaning The Guardian gazetasi Facebook moderatorlari uchun uslubiy qo‘llanmalar bilan tanishib chiqqani haqida yozdi. Moderatorlar qoidalarga zid kontentga reaksiya ko‘rsatishda ushbu qo‘llanmalarga asoslanadi. Ular orasida o‘z joniga qasd qilish va siyosat, kannibalizm va qotillik mavzularidagi postlarga, shuningdek, bevosita Donald Tramp haqidagi yangiliklarga reaksiya ko‘rsatish bo‘yicha tavsiyalar bor. Bu haqda TJournal xabar bermoqda.
The Guardian ma’lumotlariga ko‘ra, axborotning ulkan hajmi tufayli, muharrirlarda qaror qabul qilish uchun ko‘pincha bor-yo‘g‘i 10 soniya vaqt bo‘ladi.
Shu bilan birga, kompaniya xodimlariga chop etilgan u yoki bu axborotga qanday reaksiya ko‘rsatish bo‘yicha ancha aniq tavsiyalar berilgan.
Masalan, kimdir Donald Trampni otib tashlamoqchi ekanligi haqidagi postlarni o‘chirish kerak, chunki ular prezidentga qaratilgan to‘g‘ridan-to‘g‘ri tahdiddir. Ammo uning “bo‘ynini uzib tashlash” yoki “tomog‘idan bo‘g‘ish” kabi jumlalar aslida prezidentni o‘ldirish niyatini ifodalamaydigan obrazli iboralar deb hisoblanishi kerak.
Qatl qilish aks etgan videolar ham doim o‘chirib tashlanishi kerak emas, chunki ular kimningdir ruhiy muammosini ko‘rsatishi va shifokorlarga ruhiy kasalliklarni o‘rganishda yordam berishi mumkin.
Facebook uslubiy qo‘llanmalarida aytilishicha, odamlar tahdidlardan foydalanayotgan vaqtda doim ham kimnidir o‘ldirish yoki ularga o‘lim tilash niyatida bo‘lmaydi, shu tufayli ularga e’tibor bilan yondashish kerak.
Facebook global siyosat bo‘limi boshlig‘i Monika Bikert ta’kidlashicha, Facebook’ning milliard kishilik auditoriyasini hisobga olib, qaysidir payt qanday ibora normal, yana qay biri haqoratli ekanligini tushunish juda qiyin bo‘ladi.
Izoh (0)