Британиянинг The Guardian газетаси Facebook модераторлари учун услубий қўлланмалар билан танишиб чиққани ҳақида ёзди. Модераторлар қоидаларга зид контентга реакция кўрсатишда ушбу қўлланмаларга асосланади. Улар орасида ўз жонига қасд қилиш ва сиёсат, каннибализм ва қотиллик мавзуларидаги постларга, шунингдек, бевосита Дональд Трамп ҳақидаги янгиликларга реакция кўрсатиш бўйича тавсиялар бор. Бу ҳақда TJournal хабар бермоқда.
The Guardian маълумотларига кўра, ахборотнинг улкан ҳажми туфайли, муҳаррирларда қарор қабул қилиш учун кўпинча бор-йўғи 10 сония вақт бўлади.
Шу билан бирга, компания ходимларига чоп этилган у ёки бу ахборотга қандай реакция кўрсатиш бўйича анча аниқ тавсиялар берилган.
Масалан, кимдир Дональд Трампни отиб ташламоқчи эканлиги ҳақидаги постларни ўчириш керак, чунки улар президентга қаратилган тўғридан-тўғри таҳдиддир. Аммо унинг «бўйнини узиб ташлаш» ёки «томоғидан бўғиш» каби жумлалар аслида президентни ўлдириш ниятини ифодаламайдиган образли иборалар деб ҳисобланиши керак.
Қатл қилиш акс этган видеолар ҳам доим ўчириб ташланиши керак эмас, чунки улар кимнингдир руҳий муаммосини кўрсатиши ва шифокорларга руҳий касалликларни ўрганишда ёрдам бериши мумкин.
Facebook услубий қўлланмаларида айтилишича, одамлар таҳдидлардан фойдаланаётган вақтда доим ҳам кимнидир ўлдириш ёки уларга ўлим тилаш ниятида бўлмайди, шу туфайли уларга эътибор билан ёндашиш керак.
Facebook глобал сиёсат бўлими бошлиғи Моника Бикерт таъкидлашича, Facebook’нинг миллиард кишилик аудиториясини ҳисобга олиб, қайсидир пайт қандай ибора нормал, яна қай бири ҳақоратли эканлигини тушуниш жуда қийин бўлади.
Изоҳ (0)