Shvetsiya prokuraturasi WikiLeaks asoschisi Julian Assanjga nisbatan ta’qibni to‘xtatdi va sudga hibs ruxsatnomasini bekor qilish tavsiyasini berdi. Bu haqda, prokuratura bayonotiga asoslanib, “TASS” xabar bermoqda.
Assanjga nisbatan tergovni bekor qilish qarorini katta prokuror Marian Nyu qabul qildi. Qaror o‘tgan yil noyabrida Ekvadorning Londondagi elchixonasida Assanjni so‘roq qilish yakunlari bo‘yicha qabul qilindi.
Agar Shvetsiya prokuraturasi tergovni qayta boshlamasa, Assanj ushbu mamlakatga ekstraditsiya bo‘lish tahdididan qutuladi. Ammo endilikda Buyuk Britaniya bevosita AQShdan Assanjni topshirish bo‘yicha so‘rov olishi mumkin.
Izoh (0)