Швеция прокуратураси WikiLeaks асосчиси Жулиан Ассанжга нисбатан таъқибни тўхтатди ва судга ҳибс рухсатномасини бекор қилиш тавсиясини берди. Бу ҳақда, прокуратура баёнотига асосланиб, «ТАСС» хабар бермоқда.
Ассанжга нисбатан терговни бекор қилиш қарорини катта прокурор Мариан Ню қабул қилди. Қарор ўтган йил ноябрида Эквадорнинг Лондондаги элчихонасида Ассанжни сўроқ қилиш якунлари бўйича қабул қилинди.
Агар Швеция прокуратураси терговни қайта бошламаса, Ассанж ушбу мамлакатга экстрадиция бўлиш таҳдидидан қутулади. Аммо эндиликда Буюк Британия бевосита АҚШдан Ассанжни топшириш бўйича сўров олиши мумкин.
Изоҳ (0)