Pol Pogbaning 2016-yilgi mavsumdagi transferi yuzasidan Xalqaro futbol uyushmasi FIFA tekshiruv boshladi, deb xabar berdi “Chempionat”.
Futbolchining “Yuventus” safidan “Manchester Yunayted”ga ko‘chib o‘tishi 105 million yevroni tashkil qilgan bo‘lib, bu futbol tarixidagi eng qimmat transferga aylangandi.
Ma’lum bo‘lishicha, mazkur transfer boshida turgan futbol agenti Mino Rayola 49 million yevro ishlab olgan bo‘lishi mumkin. Bu esa FIFA e’tiborini o‘ziga tortgan.
Aniqlik kiritilishicha, “Manchester Yunayted” Pogbaning transferi borasidagi hujjatlarni FIFAga taqdim etgan. Bunda gap “Yuventus” hamda Rayola futbolchining transferidan o‘zaro kelishib, pul ishlab olgan bo‘lishi mumkinligi oydinlashishi mumkin.
“Yunayted” Pogbaga haftasiga 197 ming yevro to‘laydi va har yili bonus sifatida 4 million yevro berib turadi.
Izoh (0)