Tojikiston Tashqi ishlar vazirligi 1-maydan 25 ta davlat fuqarolari uchun vizasiz rejim joriy qildi. Biroq mazkur davlat fuqarolarining Tojikistonda qolish muddati 30 kun bilan cheklangan.
Ro‘yxatdan Andorra, Bagama orollari, Bosniya va Gersegovinya, Braziliya, Bolgariya, Kosta-Rika, Kipr, Irlandiya, Malta, Marshall orollari va quyidagi davlatlar o‘rin olgan:
- Meksika
- Mo‘g‘uliston
- Chernogoriya
- Ummon
- Ruminiya
- Sent-Kitts va Nevis
- Sent-Lyusiya
- San-Marino
- Serbiya
- Slovakiya
- Sloveniya
- Solomon orollari
- Sent-Vinsent va Grenadin orollari
- Vatikan va Falastin (diplomatik va xizmat pasportiga ega shaxslar uchun).
Bundan tashqari, hukumat qarori bilan 55 yoshdan oshgan fuqarolari Tojikistonga kirish uchun bir tomonlama vizasiz rejimdan foydalanishi mumkin bo‘lgan 16 ta davlat ro‘yxati tasdiqlangan. Aniqlik kiritilishicha, bu mamlakatda ikki haftagacha qolish va vizasiz chiqib ketish imkonini beradi.
Bu davlatlarga Albaniya, Jazoir, Barbados, Vanuatu, Xitoy, Dominika, Fidji, Laos, Livan, Madagaskar, Marokash, Shimoliy Makedoniya, Nikaragua, Panama, Tunis va Vyetnam kiradi. Yangi farmonga ko‘ra, yana 14 davlat fuqarolari Tojikistonga borishda vizalarni soddalashtirilgan tartibda olishi mumkin. Bu ro‘yxatga Iroq, Falastin, Suriya va bir qator Afrika davlatlari kiradi.
Izoh (0)