Kelgusi o‘n yillik oxiriga borib yangi avtomobillar sotuvining salkam uchdan biri elektromobillar hissasiga to‘g‘ri keladi. Batareyalarda ishlovchi transport vositalari sonining ko‘payishi 2030-yilda neft asosidagi yoqilg‘iga talab pasayishini keltirib chiqaradi. Bu haqda Total kompaniyasining energetika bo‘yicha bosh iqtisodchisi Joel Kuz Bloomberg New Energy Finance (BNEF) anjumanida ma’lum qildi, deya xabar beradi Insider.
“2030-yilga kelib dunyodagi barcha yangi mashinalarning 15 dan 30 foizigacha elektrda ishlaydi. Shundan so‘ng yoqilg‘iga talab oshishdan to‘xtaydi, hatto tushib ketishi ham mumkin”, — deya ta’kidladi Joel Kuz.
Boshqa neft kompaniyalari ham yoqilg‘iga bo‘lgan uzoq muddatli talab bashoratlarini pasaytirmoqda. Royal Dutch Shell bosh ijrochi direktori Ben van Berden 2020-yillar oxiriga kelib neftga talab avjiga chiqishini taxmin qildi. Shu sababli kompaniyada “sof texnologiyalar”ni qidirish bo‘yicha biznes-bo‘linma tashkil etildi.
Hozirda dunyodagi yengil avtomobillar sotuvining atigi 1 foizi elektromobillarga to‘g‘ri kelyapti, biroq avtokonsernlar bozordagi o‘zgarishlarga tayyorgarlik ko‘rmoqda. 2020-yilga kelib o‘nlab yangi modellar, jumladan, Volkswagen, Jaguar, Volvo, Mercedes-Benz, General Motors elektromobillari paydo bo‘ladi.
Elektromobillar benzinda yuradigan modellar bilan ham narx-navo, ham ishlab chiqarish xususiyatlariga ko‘ra raqobatga kirishishi kutilmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)