Toshkent shahar ichki ishlar idoralari tomonidan olib borilayotgan “Oriyat” tadbirlari davomida fohishalik va fohishaxona saqlash jinoyatlari bilan shug‘ullanayotgan shaxslar qo‘lga olinmoqda. Toshkent shahar IIBBda bo‘lib o‘tgan brifingda fohishalik bilan shug‘ullangani uchun qo‘lga olingan ayollarning ko‘rsatmalari namoyish etildi.
Qo‘lga olinganlardan birining ko‘rsatma berishicha, u Andijon viloyatidan bo‘lib, Toshkent shahrida fohishalik bilan shug‘ullangan. Ayolning so‘zlariga ko‘ra, uning ikki farzandi bor va ularni bolalar uyiga topshirgan. Qo‘lga olingan ayolning hozirgi vaqtda sakkiz oylik homilasi bo‘lib, homila u bilan yashagan bir yigitdan bo‘lgan. Yigit ayolning homilador bo‘lganini bilgach uni tashlab, qochib ketgan.Yana biri fohishaning bitta bolasi bor. U eridan ajrashgan, bolasini enagaga berib, o‘zi uch oydan buyon fohishalik bilan shug‘ullangan. Uning aytishicha, 100—150 ming so‘mga mijozlarga intim xizmat ko‘rsatgan.
Samarqand viloyatidan bo‘lgan yana bir fohisha ayolning uch farzandi bor, u ham eridan ajrashgan. U farzandlarini Samarqandda qoldirib, o‘zi Toshkentda 2017-yil yanvar oyidan beri fohishalik bilan shug‘ullanib kelgan.
Qachondan beri fohishalik qilayotganini bilmaydigan yana bir ayol mazkur jinoyat bo‘yicha bir necha bor sudlangan. Qiziq tomoni, u dastlabki so‘roq vaqtida fohishalik bo‘yicha necha marta sudlanganini ham bilmasligini aytib o‘tgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)