AQSh prezidenti Donald Trampga tegishli bo‘lgan Trump Organization kompaniyasining bo‘linmasi — Nyu-Yorkdagi Trump Models agentligi yaqin orada o‘z faoliyatini to‘xtatadi. Bu haqda Mother Jones jurnali ma’lum qildi, deya xabar beradi “TASS”.
Nashr agentlik prezidenti Korin Nikolasning biznes bo‘yicha sheriklarga tarqatilgan elektron maktubiga tayanmoqda.
“Trump Organization moda industriyasini tark etishga qaror qildi. ‘Koinot go‘zali’ tanloviga egalik huquqi sotib yuborilganidan so‘ng kompaniya ko‘chmas mulk sohasidagi asosiy biznesi, xususan, mehmonxonalar va golf-klublar qurilishiga diqqatini jamlashga qaror qildi. Shu sababli 18 yil avval asos solingan Trump Models yaqin orada o‘z faoliyatini to‘xtatadi”, — deyiladi maktubda.
Agentlik rahbari AQSh prezidenti aksiyalarining 85 foiziga egalik qiladigan Trump Models aynan qaysi sanada yopilishiga aniqlik kiritmadi. “Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)