Astraxanda noma’lum kishilar guruhi yo‘l-transport hodisasini rasmiylashtirish uchun kelgan ikki politsiya xodimiga qarata o‘q uzdi. Bu haqda “Gazeta.ru” xabar bermoqda.
“Politsiya xodimlari yo‘l-transport hodisasini rasmiylashtirish uchun kelgan. Rasmiylashtirish davomida ular o‘qotar quroldan o‘qqa tutilganligi taxmin qilinmoqda. Ikki nafar politsiya xodimi halok bo‘lgan”, — deyiladi IIV hududiy boshqarmasi xabarida.
Dastlabki ma’lumotlarga ko‘ra, to‘rt nafar gumonlanuvchi yashiringan “Gazel” avtomobiliga nisbatan qidiruv e’lon qilingan.
Vazirlik halok bo‘lgan politsiyachilar leytenant va katta leytenant unvonlariga ega bo‘lganligini ma’lum qildi. Ulardan birining ikki nafar farzandi bo‘lgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)