O‘zbekiston Prezidentining 15-fevraldagi “Pul muomalasini takomillashtirish va bank plastik kartochkalari asosida hisob-kitoblarni rivojlantirish chora-tadbirlari to‘g‘risida”gi qarori e’lon qilindi.
Qarorga asosan, mamlakat hududida faoliyat ko‘rsatuvchi savdo va xizmat ko‘rsatish tashkilotlari 2017-yil 1-martdan boshlab to‘lov terminallarisiz faoliyat yuritishi taqiqlanadi.21-fevral kuni Toshkent shahar hokimligida Prezident qarorining Toshkent shahridagi ijrosiga bag‘ishlangan matbuot anjumani bo‘lib o‘tdi.
Matbuot anjumanida jurnalistlar tomonidan dolzarb savol o‘rtaga tashlandi: agar tadbirkorlik subyektiga bank tomonidan 1-martga qadar to‘lov terminali yetkazib berilmasa, nima bo‘ladi?
Savolga Toshkent shahar davlat soliq boshqarmasi boshlig‘i Muzaffar Pardayev javob berdi.
Unga ko‘ra, tadbirkor tomonidan bankka to‘lov terminali so‘rab ariza berilsa va bank tadbirkorga 1-martgacha to‘lov terminalini yetkazib bermasa, tadbirkor eng kam oylik ish haqining 30 baravari miqdorida (21-fevral holatiga ko‘ra — 4 493 250 so‘m) jarima to‘laydi. Shundan so‘ng, tadbirkor bank ustidan sudga shikoyat arizasi bilan murojaat qilib, to‘langan jarima summasini bankdan undirib olishi mumkin.
Mavzuga doir: To‘lovni plastik kartochkadan qabul qilishni rad etgan tadbirkor qariyb 15 mln so‘m jarimaga tortilishi mumkin
Izoh (0)