Ўзбекистон Президентининг 15 февралдаги «Пул муомаласини такомиллаштириш ва банк пластик карточкалари асосида ҳисоб-китобларни ривожлантириш чора-тадбирлари тўғрисида»ги қарори эълон қилинди.
Қарорга асосан, мамлакат ҳудудида фаолият кўрсатувчи савдо ва хизмат кўрсатиш ташкилотлари 2017 йил 1 мартдан бошлаб тўлов терминалларисиз фаолият юритиши тақиқланади.21 февраль куни Тошкент шаҳар ҳокимлигида Президент қарорининг Тошкент шаҳридаги ижросига бағишланган матбуот анжумани бўлиб ўтди.
Матбуот анжуманида журналистлар томонидан долзарб савол ўртага ташланди: агар тадбиркорлик субъектига банк томонидан 1 мартга қадар тўлов терминали етказиб берилмаса, нима бўлади?
Саволга Тошкент шаҳар давлат солиқ бошқармаси бошлиғи Музаффар Пардаев жавоб берди.
Унга кўра, тадбиркор томонидан банкка тўлов терминали сўраб ариза берилса ва банк тадбиркорга 1 мартгача тўлов терминалини етказиб бермаса, тадбиркор энг кам ойлик иш ҳақининг 30 баравари миқдорида (21 февраль ҳолатига кўра — 4 493 250 сўм) жарима тўлайди. Шундан сўнг, тадбиркор банк устидан судга шикоят аризаси билан мурожаат қилиб, тўланган жарима суммасини банкдан ундириб олиши мумкин.
Мавзуга доир: Тўловни пластик карточкадан қабул қилишни рад этган тадбиркор қарийб 15 млн сўм жаримага тортилиши мумкин
Изоҳ (0)