Xitoy Shimoliy Koreya hududidan ko‘mir importini 19-fevraldan boshlab to‘liq to‘xtatadi. Cheklov BMTning KXDRga nisbatan sanksiyalarini bajarish maqsadida kiritilmoqda. Cheklov 2017-yil 31-dekabrgacha amalda bo‘ladi. Bu haqda Reuters nashriga tayanib, “Gazeta.ru” xabar berdi.
2016-yil aprel oyida Xitoy KXDRdan ko‘mir import qilishni to‘xtatish rejalari haqida xabar bergan edi. Xitoy ko‘mir “aholi yashashi uchun zarur” deb hisoblagan holatida istisnoga yo‘l qo‘yayotgan edi.
Cheklovga qaramasdan, Shimoliy Koreya Xitoyga eng ko‘p ko‘mir yetkazib beruvchi to‘rtinchi davlat bo‘lib qolaveradi. 2016-yilda KXDRdan ko‘mir importi 22,48 million tonnani tashkil qilib, 2015-yilga nisbatan 14,5 foizga o‘sgandi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)