Toshkentdagi barcha oilaviy poliklinikalar to‘rttadan Damas bilan ta’minlanadi

Toshkentdagi har bir oilaviy poliklinika shahar hokimligi tomonidan Damas avtomobillari bilan ta’minlanadi. Bu haqda hokim o‘rinbosari — shahar Xotin-qizlar qo‘mitasi raisi Farida Abdurahimova ma’lum qildi, deya xabar bermoqda “Gazeta.uz”.

Hozirda Toshkent shahrida 60 ta oilaviy poliklinika faoliyat olib bormoqda. Yaqin vaqt ichida ularning har biri ikkitadan avtomobil bilan ta’minlansa, yana ikkitadan mashina yil davomida taqdim etiladi.

Qayd etishlaricha, Damas’lar tibbiy-profilaktika xizmatini yanada rivojlantirish, xonadonlarda uyushtiriladigan patronaj ko‘rigini kuchaytirish, tibbiyot muassasasiga tushayotgan murojaatlarga o‘z vaqtida javob berish maqsadida ajratilmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!