Filippinlik mashhur bokschi Menni Pakyao Mutlaq jangchilik chempionati (UFC) chempioni Konor Makregor bilan boks qoidalari asosida jang qilishga qarshi emasligini bildirdi. Bu ma’lumotni Pakyaoning promouteri Bob Arum ham tasdiqladi, deb yozadi “Olamsport”.
Konor Makgregor yaxshi atlet. U aralash janglar san’atida kuchli, ammo boks bu boshqa sport turi. Ishonchim komil, agar Konorning o‘zi istasa, Menni bu jangga rozilik beradi. Istalgan bokschi ham Makregorga qarshi jang o‘tkazib, uni nokautga uchratishni xohlaydi.Avvalroq amerikalik sobiq bokschi, beshta vazn toifasida jahon chempioni Floyd Meyvezer va UFC chempioni Konor Makgregor o‘rtasida jang o‘tkazilishi mumkinligi bir necha marta aytilgandi.Bob Arum, promouter
Meyvezer va Makgregor o‘rtasida jang bo‘lib o‘tishi mumkinligi haqidagi xabarlar UFC chempioni bokschilik litsenziyasini olganidan keyin paydo bo‘ldi. Irlandiyalik jangchi Meyvezer bilan jang uchun 100 million dollar ishlab olish istagini bildirgandi.
Tomonlar bu borada muzokaralar olib borayotgani, bo‘lajak jang summasi 1 milliard dollarga teng bo‘lishi mumkinligi haqida xabar qilingan edi.Mavzuga doir: Bokschi Floyd Meyvezer MMA jangchisi Konor Makgregorni boplab kalaka qilgan kishiga 10 ming dollar va’da qildi
2015-yili bokschilik faoliyatini tugatgan 39 yoshli Floyd Meyvezer professional ringda 49 ta jang o‘tkazib, barchasida (26 tasida nokaut bilan) g‘alaba qozongan.
38 yoshli Menni Pakyao 8 vazn toifasida sobiq jahon chempioni hisoblanadi. Filippinlik bokschi professional ringda 57 ta jang o‘tkazib, 49 g‘alaba (38 tasi nokaut bilan), 6 mag‘lubiyat va 2 durang qayd etgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)