Филиппинлик машҳур боксчи Менни Пакьяо Мутлақ жангчилик чемпионати (UFC) чемпиони Конор Макрегор билан бокс қоидалари асосида жанг қилишга қарши эмаслигини билдирди. Бу маълумотни Пакьяонинг промоутери Боб Арум ҳам тасдиқлади, деб ёзади «Оламспорт».
Конор Макгрегор яхши атлет. У аралаш жанглар санъатида кучли, аммо бокс бу бошқа спорт тури. Ишончим комил, агар Конорнинг ўзи истаса, Менни бу жангга розилик беради. Исталган боксчи ҳам Макрегорга қарши жанг ўтказиб, уни нокаутга учратишни хоҳлайди.Аввалроқ америкалик собиқ боксчи, бешта вазн тоифасида жаҳон чемпиони Флойд Мейвезер ва UFC чемпиони Конор Макгрегор ўртасида жанг ўтказилиши мумкинлиги бир неча марта айтилганди.Боб Арум, промоутер
Мейвезер ва Макгрегор ўртасида жанг бўлиб ўтиши мумкинлиги ҳақидаги хабарлар UFC чемпиони боксчилик лицензиясини олганидан кейин пайдо бўлди. Ирландиялик жангчи Мейвезер билан жанг учун 100 миллион доллар ишлаб олиш истагини билдирганди.
Томонлар бу борада музокаралар олиб бораётгани, бўлажак жанг суммаси 1 миллиард долларга тенг бўлиши мумкинлиги ҳақида хабар қилинган эди.Мавзуга доир: Боксчи Флойд Мейвезер MMA жангчиси Конор Макгрегорни боплаб калака қилган кишига 10 минг доллар ваъда қилди
2015 йили боксчилик фаолиятини тугатган 39 ёшли Флойд Мейвезер профессионал рингда 49 та жанг ўтказиб, барчасида (26 тасида нокаут билан) ғалаба қозонган.
38 ёшли Менни Пакьяо 8 вазн тоифасида собиқ жаҳон чемпиони ҳисобланади. Филиппинлик боксчи профессионал рингда 57 та жанг ўтказиб, 49 ғалаба (38 таси нокаут билан), 6 мағлубият ва 2 дуранг қайд этган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)