Ispaniya La ligasi chempionligi uchun kurash olib borayotgan barcha klublar 20-tur uchrashuvini yakunlab oldi. Avvalroq Madridning “Atletiko” va Kataloniyaning “Barselona” klublari raqiblarini yenga olmay, 2 ochkodan boy bergandi.
Mazkur turda “Sevilya” ham mag‘lub bo‘ldi. Xorxe Sampoli jamoasi oxirgi besh turni o‘z foydasiga hal qilgan, Madridning “Real” klubini-da taslim qila olgandi. “Espanyol” maydonida esa sevilyaliklar 2-daqiqadayoq maydonda bir kishi kam bo‘lib qoldi va bu holat uchrashuv natijasiga o‘z ta’sirini ko‘rsatdi — 1:3.
Tomonlarning “Sevilya” maydonida o‘tgan birinchi o‘yinida mezbonlar 6:4 hisobida zafar quchgandi. 20-turdagi mag‘lubiyat natijasida jamoa 2-o‘rinni “Barselona”ga bo‘shatib berdi.
Madridning “Real” klubi o‘z maydonida “Real Sosyedad”ga imkoniyat qoldirmadi. Xuddi San-Sebastyanda bo‘lib o‘tgan ilk uchrashuv kabi hisob 3:0 ko‘rinishini oldi. Zaxirasida bitta qo‘shimcha o‘yini bor holatida “Qirollik klubi” “Barselona” va “Sevilya”dan 4 ochkoga ilgarilab ketgan.
Ispaniya La ligasi 20-tur 29-yanvar, yakshanba
“Betis” — “Barselona” 1:1
Gollar: Aleks Alegriya, 75 (1:0). Luis Suares, 90 (1:1).“Espanyol” — “Sevilya” 3:1
Gollar: Xose Antonio Reyes, 4-pen (1:0). Stevan Yovetich, 20 (1:1). Mark Navarro, 45+2 (2:1). Xerard, 71 (3:1).Chetlatish: Nikolas Parexa, 2 (S).“Atletik” — “Sporting” 2:1
Gollar: Duye Chop, 27-pen (0:1). Iker Munyain, 50 (1:1). Arits Aduris, 71-pen (2:1).“Real Madrid” — “Real Sosyedad” 3:0
Gollar: Mateo Kovachich, 38 (1:0). Krishtianu Ronaldu, 51 (2:0). Alvaro Morata, 82 (3:0).Chetlatish: Inyigo Martines, 74 (S).30-yanvar, dushanba“Las-Palmas” — “Valensiya”
Izoh (0)