Испания Ла лигаси чемпионлиги учун кураш олиб бораётган барча клублар 20-тур учрашувини якунлаб олди. Аввалроқ Мадриднинг «Атлетико» ва Каталониянинг «Барселона» клублари рақибларини енга олмай, 2 очкодан бой берганди.
Мазкур турда «Севилья» ҳам мағлуб бўлди. Хорхе Самполи жамоаси охирги беш турни ўз фойдасига ҳал қилган, Мадриднинг «Реал» клубини-да таслим қила олганди. «Эспаньол» майдонида эса севиляликлар 2-дақиқадаёқ майдонда бир киши кам бўлиб қолди ва бу ҳолат учрашув натижасига ўз таъсирини кўрсатди — 1:3.
Томонларнинг «Севилья» майдонида ўтган биринчи ўйинида мезбонлар 6:4 ҳисобида зафар қучганди. 20-турдаги мағлубият натижасида жамоа 2-ўринни «Барселона»га бўшатиб берди.
Мадриднинг «Реал» клуби ўз майдонида «Реал Сосьедад»га имконият қолдирмади. Худди Сан-Себастьянда бўлиб ўтган илк учрашув каби ҳисоб 3:0 кўринишини олди. Захирасида битта қўшимча ўйини бор ҳолатида «Қироллик клуби» «Барселона» ва «Севилья»дан 4 очкога илгарилаб кетган.
Испания Ла лигаси 20-тур 29 январь, якшанба
«Бетис» — «Барселона» 1:1
Голлар: Алекс Алегрия, 75 (1:0). Луис Суарес, 90 (1:1).«Эспаньол» — «Севилья» 3:1
Голлар: Хосе Антонио Реес, 4-пен (1:0). Стеван Йоветич, 20 (1:1). Марк Наварро, 45+2 (2:1). Херард, 71 (3:1).Четлатиш: Николас Пареха, 2 (С).«Атлетик» — «Спортинг» 2:1
Голлар: Дуйе Чоп, 27-пен (0:1). Икер Муньяин, 50 (1:1). Ариц Адурис, 71-пен (2:1).«Реал Мадрид» — «Реал Сосьедад» 3:0
Голлар: Матео Ковачич, 38 (1:0). Криштиану Роналду, 51 (2:0). Альваро Мората, 82 (3:0).Четлатиш: Иньиго Мартинес, 74 (С).30 январь, душанба«Лас-Пальмас» — «Валенсия»
Изоҳ (0)