Malayziya Premyer-ligasi
Bir emas uch nafar o‘zbekistonlikni o‘z safiga qo‘shib olgan Malayziyaning “ATM” klubi Pavel Smolyachenkoning goli sabab turnir jadvalida kuchli uchtalikka kirib oldi.
Mavsumning 2-turida “ATM” safar o‘yinida ishtirok etdi va 3:2 hisobida zafar quchdi. Hisobni o‘zbekistonlik Pavel Smolyachenko ochib berdi. Qayd etish kerak, mazkur klub safida uning vatandoshlari bo‘lgan Iqbol Boboxonov va Sirojiddin Rahmatullayev ham to‘p suradi.
O‘zbekistonlik boshqa bir futbolchi Bobur Akbarov harakat qiladigan “Kuala Lumpur” futbol klubi 2-turdan keyin ochkolari sonini 6 taga yetkazib oldi va u turnir jadvalida peshqadam bo‘lib turibdi. Shu ketishda poytaxt jamoasi yuqoriga — Super ligaga yo‘llanma olishi mumkin.
Lutfulla To‘rayev to‘p suradigan “Terenggani” klubi ilk turda 0:0 hisobida durang o‘ynagandi. Bugun — 27-yanvar kuni jamoa 2-tur doirasida maydonga tushadi.
Malayziya Premyer-ligasi 2-tur bellashuvlari 26-yanvar, payshanba
“MISC” — “ATM” 2:3
Gollar: Pavel Smolyachenko, 8 (0:1). Chukvubunna, 36 (1:1). Beom, 66 (1:2). Danni, 79 (1:3). Asiar, 88 (2:3)yu“Saboh” — “Kuala Lumpur” 1:2
27-yanvar, juma“Terengganu” — “PDRM”
Ma’lumot uchun, Malayziya futbolining elitasi bo‘lgan Super ligada yana ikki nafar o‘zbekistonlik futbolchi bor: Farhod Tojiyev hamda Dilshod Sharofutdinov. Ularning jamoasi “T-Tim” mavsumning birinchi turida 1:1 hisobida durang o‘ynagandi. 2-tur bugun — 27-yanvar kuni “Pahang” klubiga qarshi bo‘lib o‘tadi. Mazkur jamoa har ilk turda 1:1 hisobini qayd etgan.
Malayziya Premyer-ligasi 2-tur bellashuvlari27-yanvar, juma“Pahang” — “T-Tim”
Qatar Yulduzlar ligasi
Temurxo‘ja Abduxoliqov va Sanjar Shoahmedovning “As-Sayliya” klubi Qatar Yulduzlar ligasining 18-turida golsiz durang o‘ynadi — 0:0. O‘zidan quyiroq pog‘onada borayotgan “Ash-Shahaniya” klubi maydonida “As-Sayliya” gol ura olmadi.
Soccerway ma’lumotiga ko‘ra, Sanjar Shoahmedov uchrashuvda to‘liq o‘ynagan. Debyut o‘yinida gol urib, jamoasiga g‘alaba keltirgan Temurxo‘ja Abduxoliqov esa ishtirok etmagan. Shunga qaramay, jamoa ikki pog‘ona yuqorilab, 6-o‘ringa ko‘tarilib oldi. Uning shu maqomda qancha uzroqroq qolishi 18-tur to‘liq yakunlanganidan keyin ma’lum bo‘ladi.
Qatar Yulduzlar ligase 18-tur 26-yanvar, payshanba“Ash-Shahaniya” — “As-Sayliya” 0:0
Ma’lumot uchun, Sardor Rashidov harakat qiladigan “Al-Jaish” 18-turni bugun — 27-yanvar kuni safarda “Umm Salal” klubiga qarshi o‘tkazadi. Sanjar Tursunovning “Al-Haraytiyat”i esa 28-yanvar kuni “Ar-Rayyan” mehmoni bo‘ladi. “Ar-Rayyan” bir tur avval Sardor Rashidov jamoasini safarda 4:1 hisobida taslim qilgandi.
27-yanvar, juma“Umm Salal” — “Al-Jaish”
28-yanvar, shanba“Ar-Rayan” — “Al-Haraytiyat”
Izoh (0)