Малайзия Премьер-лигаси
Бир эмас уч нафар ўзбекистонликни ўз сафига қўшиб олган Малайзиянинг «АТМ» клуби Павел Смоляченконинг голи сабаб турнир жадвалида кучли учталикка кириб олди.
Мавсумнинг 2-турида «АТМ» сафар ўйинида иштирок этди ва 3:2 ҳисобида зафар қучди. Ҳисобни ўзбекистонлик Павел Смоляченко очиб берди. Қайд этиш керак, мазкур клуб сафида унинг ватандошлари бўлган Иқбол Бобохонов ва Сирожиддин Раҳматуллаев ҳам тўп суради.
Ўзбекистонлик бошқа бир футболчи Бобур Акбаров ҳаракат қиладиган «Куала Лумпур» футбол клуби 2-турдан кейин очколари сонини 6 тага етказиб олди ва у турнир жадвалида пешқадам бўлиб турибди. Шу кетишда пойтахт жамоаси юқорига — Супер лигага йўлланма олиши мумкин.
Лутфулла Тўраев тўп сурадиган «Теренггани» клуби илк турда 0:0 ҳисобида дуранг ўйнаганди. Бугун — 27 январь куни жамоа 2-тур доирасида майдонга тушади.
Малайзия Премьер-лигаси 2-тур беллашувлари 26 январь, пайшанба
«MISC» — «АТМ» 2:3
Голлар: Павел Смоляченко, 8 (0:1). Чуквубунна, 36 (1:1). Беом, 66 (1:2). Данни, 79 (1:3). Асиар, 88 (2:3)ю«Сабоҳ» — «Куала Лумпур» 1:2
27 январь, жума«Теренггану» — «PDRM»
Маълумот учун, Малайзия футболининг элитаси бўлган Супер лигада яна икки нафар ўзбекистонлик футболчи бор: Фарҳод Тожиев ҳамда Дилшод Шарофутдинов. Уларнинг жамоаси «Т-Тим» мавсумнинг биринчи турида 1:1 ҳисобида дуранг ўйнаганди. 2-тур бугун — 27 январь куни «Паҳанг» клубига қарши бўлиб ўтади. Мазкур жамоа ҳар илк турда 1:1 ҳисобини қайд этган.
Малайзия Премьер-лигаси 2-тур беллашувлари27 январь, жума«Паҳанг» — «Т-Тим»
Қатар Юлдузлар лигаси
Темурхўжа Абдухолиқов ва Санжар Шоаҳмедовнинг «Ас-Сайлия» клуби Қатар Юлдузлар лигасининг 18-турида голсиз дуранг ўйнади — 0:0. Ўзидан қуйироқ поғонада бораётган «Аш-Шаҳания» клуби майдонида «Ас-Сайлия» гол ура олмади.
Soccerway маълумотига кўра, Санжар Шоаҳмедов учрашувда тўлиқ ўйнаган. Дебют ўйинида гол уриб, жамоасига ғалаба келтирган Темурхўжа Абдухолиқов эса иштирок этмаган. Шунга қарамай, жамоа икки поғона юқорилаб, 6-ўринга кўтарилиб олди. Унинг шу мақомда қанча узроқроқ қолиши 18-тур тўлиқ якунланганидан кейин маълум бўлади.
Қатар Юлдузлар лигасе 18-тур 26 январь, пайшанба«Аш-Шаҳания» — «Ас-Сайлия» 0:0
Маълумот учун, Сардор Рашидов ҳаракат қиладиган «Ал-Жаиш» 18-турни бугун — 27 январь куни сафарда «Умм Салал» клубига қарши ўтказади. Санжар Турсуновнинг «Ал-Ҳарайтият»и эса 28 январь куни «Ар-Райян» меҳмони бўлади. «Ар-Райян» бир тур аввал Сардор Рашидов жамоасини сафарда 4:1 ҳисобида таслим қилганди.
27 январь, жума«Умм Салал» — «Ал-Жаиш»
28 январь, шанба«Ар-Райан» — «Ал-Ҳарайтият»
Изоҳ (0)