АҚШ давлат департаментини тарк этган дипломатлар Дональд Трамп сиёсатидан норози бўлгани учун эмас, балки янги президент маъмурияти илтимосига кўра кетган. Бу ҳақда CNN Оқ уйдаги манбасига таяниб хабар берди, деб ёзади «РИА Новости».
«Улар давлат котибига, президентга ва давлат департаментига содиқ. Президентга ҳурматсизлик кўрсатишга ҳеч қандай уринишлар бўлгани йўқ, улар нафрат сабабли ишдан бўшагани ва қочаётгани йўқ. Оқ уйнинг ўзи тартибга солиш ишларини олиб бормоқда», — деди телеканал манбаси.
Аввалроқ ОАВлар давлат департаментининг қатор ходимлари Дональд Трампнинг ташқи сиёсий йўналишидан норози бўлиб, истеъфога чиққанини маълум қилган эди.
CNN маълумотларига кўра, аслида эса Оқ уй дипломатларга ёзма шаклда мурожаат қилиб, уларнинг хизматларига бошқа эҳтиёж сезмаслигини билдирган.
Изоҳ (0)