Johnson & Johnson Shveysariyaning Actelion kompaniyasini 30 mlrd dollar evaziga xarid qiladi
Salomatlik mahsulotlarining dunyodagi yirik ishlab chiqaruvchilaridan biri Johnson & Johnson (J&J) Shveysariyaning Actelion biotexnologiya kompaniyasini 30 milliard dollar evaziga xarid qiladi, deb xabar berdi “Vedomosti”.
J&J Actelion aksiyalarining har bir donasi uchun 280 dollardan to‘laydi. Kelishuv ikki kompaniya direktorlar kengashi tomonidan ma’qullandi. Uning joriy yil ikkinchi choragida yakunlanishi ko‘zda tutilgan.
R&D NewCo deya shartli nom olgan yangi biofarmasevtika kompaniyasi aksiyalari kelishuv yakunlanganidan so‘ng Actelion aksiyadorlari o‘rtasida taqsimlanadi. J&J yangi kompaniyaning 16 foiziga egalik qiladi va yana obligatsiyalarning 16 foiziga egalik huquqini qo‘lga kiritadi.
R&D NewCo bosh direktor Jan-Pol Klozel rahbarligidagi Actelion ilmiy jamoasi tomonidan boshqariladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
