Avtomobillar paradida 145 ta Model S xetchbeki va yuztacha Model X krossoveri qatnashdi. Natija Ginnesning rekordlari kitobiga kiritildi, deb xabar beradi “Motor”.
Tadbir davomida elektrokrossoverlar futbol maydonida “X” harfi ko‘rinishida yig‘ildi. Shundan so‘ng ular “yangi yil shousini” ijro etishdi, bu Model X’da yangi yildan oldin dasturiy ta’minotni yangilash natijasida ochilgan yangi imkoniyat hisoblanadi.
Bu imkoniyat multimedia tizimidagi alohida bo‘lim yordamida faollashtiriladi. Shundan so‘ng avtomobilni tark etish, eshiklarni yopish va masofadan boshqarish pultidagi qulflarni yopish tugmasini bosish talab qilinadi. Yoritish qurilmalarining tartibsiz yonib o‘chishi va Model X orqa eshiklarining Wizards in Winter musiqasi ostida harakati boshlanadi.
2016-yil yakunidagi holatga ko‘ra, Xitoydagi elektromobillar soni 600 mingtadan oshdi. Bu 2015-yilga nisbatan ikki baravar ko‘p. Mamlakat hukumati 2030-yilgacha elektromobillar sonini 15 milliondan oshirishni rejalashtirgan. Bundan tashqari quvvatlash stansiyalari tarmog‘ini jidddiy ravishda kengaytirish ham hukumat rejalari qatoridan o‘rin olgan.
Motor1 portalining ta’kidlashicha, 2016-yilda internet tarmog‘ida Tesla’ning Xitoyda zavod ochish rejalari haqidagi ma’lumot paydo bo‘ldi. Ko‘p milliardli loyihada Jinqiao Group davlat kompaniyasi hamkor bo‘lishi taxmin qilingan edi. Biroq Tesla rahbariyati ushbu xabarni rad etgan.
Bugungi kunda Tesla elektromobillarining dunyodagi umumiy soni taxminan, 200 ming donani tashkil qiladi. Tayyorlanayotgan hamyonbop Model 3 markasi savdo hajmini jiddiy oshirishi kutilmoqda. Rejalashtirilayotgan ishlab chiqarish hajmi yiliga 500 mingtagacha bo‘ladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)