“60 soniyada o‘g‘rilik” filmining fanati lego qismlaridan filmda suratga tushgan avtomobilning kichraytirilgan nusxasini yasadi, deb xabar berdi “Motor”.
Bu mashina 1967-yilda yaratilgan Shelby GT 500 Mustang bo‘lib, filmda u Eleоnor deb atalgan.
Model havaskor loyihalarga bag‘ishlangan Lego Ideas maxsus portaliga joylashtirilgan. Yetarlicha ovoz yig‘ilgan taqdirda (10 mingdan boshlab) “Lego” modelni rasman yig‘ishga ruxsat beradi. Model dastlab namoyish etilgan paytda uni ikki mingga yaqin kishi ma’qulladi, biroq ovoz berish 200 kundan ortiq davom etdi.
Pix027 taxallusi ostidagi “Eleonor” muallifining ta’kidlashicha, mashinani yig‘ish uchun bir necha hafta va 900 ta detal ketgan. “Mustang”da eshiklar, kapot va yukxona ochiladi, shuningdek, o‘rindiqlar holati o‘zgartiriladi. Bundan tashqari, muallif V8 dvigatelidan nusxa ko‘chirishga harakat qilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)