Toshkent shahri jamoatchilik transportida 2017-yil oxirigacha qatnov uchun elektron to‘lov tizimini joriy etish rejalashtirilmoqda. Bu haqda poytaxt hokimiyatida bo‘lib o‘tgan matbuot anjumanida ma’lum qilindi, deya xabar beradi UZ24.
“Toshshahartransxizmat” AJ raisining o‘rinbosari Mohir Valiyevga ko‘ra, hozirda Toshkentda yo‘lovchi transportini yanada rivojlantirish bo‘yicha choralar haqida qaror loyihasi tayyorlanmoqda. Unda metro va avtobusda qatnov uchun to‘lovning avtomatlashtirilgan tizimini ishlab chiqish ko‘zda tutilgan.
Buning uchun har bir avtobusda validatorlar o‘rnatiladi. To‘lovni amalga oshirish uchun yo‘lovchi qatnov kartochkalari sotiladigan punktlarda xarid qilinadigan maxsus plastik kartani qurilmaga qo‘yadi.
Haydovchilar zimmasidan har kunlik tushumni topshirish majburiyati olinadi. Tizim joriy etilsa, pul tushumi bilan alohida bo‘linma shug‘ullanadi. Qatnov uchun to‘lov jarayonining shaffofligi va muntazamligi ta’minlanadi.Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.Mohir Valiyev, “Toshshahartransxizmat” AJ raisining o‘rinbosari
Izoh (0)