Uzbekistan GTL MChJ sintetik suyuq yoqilg‘i (GTL) ishlab chiqaruvchi zavod qurish loyihasining xalqaro pudratchilar konsorsiumiga asosiy ishlarni boshlash to‘g‘risida xabar berdi. Bu haqda kompaniya saytida ma’lum qilindi.
Ushbu xabar loyiha yechimlarini mukammal ishlab chiqish, ta’minotni tashkil etish va Qashqadaryo viloyatidagi qurilish maydonida asosiy qurilish-montaj ishlarini boshlashni nazarda tutadi.
Qurilish maydonida qurilishga tayyorlash ishlari yakunlanishi, barpo etilgan LTFT reaktori va o‘tkazilgan loyiha qiymatini optimallashtirish bilan bir qatorda, ushbu marra “Oltin yo‘l GTL” loyihasini amalga oshirishda navbatdagi muhim bosqich bo‘ldi.
Ma’lumot uchun, “Oltin yo‘l GTL” loyihasining quvvati kuniga 37 ming barrel mahsulot bo‘lib, transport, aviatsiya va qishloq xo‘jaligi uchun yuqori sifatli yoqilg‘i — GTL dizeli, kerosini, naftasi va suyultirilgan uglevodorod gazi ishlab chiqariladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)