Janubiy Koreyaning Shinhan banki O‘zbekistondagi vakolatxonasi Toshkent shahridagi Inha universitetining (IUT) uch talabasiga bir marotabalik stipendiya taqdim etdi. Bu haqda “Daryo”ga IUT matbuot xizmati ma’lum qildi.
Janubiy Koreyaning eng yirik banklaridan birining taqdim etgan stipendiyasi talabalarga o‘qish uchun xarajatlarning bir qismini qoplash imkonini beradi.
Birinchi bosqich talabasi Nafisa Muhiddinova, ikkinchi bosqich talabasi Baxtiyor Tojiyev va uchinchi bosqich talabasi Ildar Ergashev Shinhan bankining stipendiyasiga loyiq deb topildi.
“Toshkent shahridagi Inha universiteti ma’muriyati Janubiy Koreyaning O‘zbekistondagi Shinhan banki vakolatxonasiga bizning talabalarimizni qo‘llab-quvvatlagani uchun minnatdorlik bildiradi. Umid qilamizki, Shinhan banki hamda IUT o‘rtasidagi hamkorlik yanada rivojlanadi va tomonlar hamkorlikning yangi yo‘nalishlari bo‘yicha ishlaydi”, — dedi IUT rektori Sarvar Babaxodjayev.
Izoh (0)