“Yovvoyi tabiatdagi josus”: Maymunlar ko‘ziga kamera o‘rnatilgan “qondoshi”ning “o‘limi” uchun aza tutib yig‘ladi

BBC One telekanalida efirga uzatilishi kutilayotgan yangi — “Yovvoyi tabiatdagi josus” dasturining birinchi qismidan qiziqarli lavha namoyish etildi, deb xabar bermoqda TJournal.

Lavhada kulrang langurlarning shu tur qiyofasida yaratilgan robot maymunning “o‘limi” uchun yig‘layotgani ko‘rsatilgan (kulrang langur — Pokiston va Hindistonda keng tarqalgan martishka oilasiga mansub maymun turi).

Rolikda ko‘ziga kamera o‘rnatilgan robot maymuncha uni haqiqiy deb o‘ylagan “qondoshlari”dan biri daraxtdan tashlab yuborib, “o‘ldirmagunicha” ularning kundalik hayotini kuzatadi.

Shundan so‘ng kulrang langurlarning bir guruhi “o‘lgan” robot uchun aza tutgan — ular “o‘lik” oldida aylana bo‘lib o‘tirib, bir-birini ovutishadi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.