«Ёввойи табиатдаги жосус»: Маймунлар кўзига камера ўрнатилган «қондоши»нинг «ўлими» учун аза тутиб йиғлади

BBC One телеканалида эфирга узатилиши кутилаётган янги — «Ёввойи табиатдаги жосус» дастурининг биринчи қисмидан қизиқарли лавҳа намойиш этилди, деб хабар бермоқда TJournal.

Лавҳада кулранг лангурларнинг шу тур қиёфасида яратилган робот маймуннинг «ўлими» учун йиғлаётгани кўрсатилган (кулранг лангур — Покистон ва Ҳиндистонда кенг тарқалган мартишка оиласига мансуб маймун тури).

Роликда кўзига камера ўрнатилган робот маймунча уни ҳақиқий деб ўйлаган «қондошлари»дан бири дарахтдан ташлаб юбориб, «ўлдирмагунича» уларнинг кундалик ҳаётини кузатади.

Шундан сўнг кулранг лангурларнинг бир гуруҳи «ўлган» робот учун аза тутган — улар «ўлик» олдида айлана бўлиб ўтириб, бир-бирини овутишади.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.