«Мана, тараққиёт қаергача етиб борди!». Миробод деҳқон бозорида тўловларни Payme ва Click орқали қабул қиладиган савдо нуқтаси пайдо бўлди

Миробод деҳқон бозори расталаридан биридаги савдо нуқтасида тўловларни Payme ва Click орқали қабул қиладиган савдо нуқтаси пайдо бўлди. Бу ҳақда Facebook’да фотохабар қолдирилган.

«Мана, тараққиёт қаергача етиб келди! Ҳеч қандай нақд пулга ўрин йўқ! Афсус, сотувчини жойида топа олмадим», — деб ёзган фотохабар муаллифи.

Суратда кўрсатилган савдо нуқтасида турли уй-рўзғор буюмлари сотилмоқда. Айни вақтда, тўловлар электрон кўринишда қабул қилиниши ҳақидаги эълон ёнига инглизчалаб «Ари сути» («Royal jelly») деб ёзилган ва суратда сотувга қўйилган асал маҳсулотларини ҳам кўриш мумкин.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.