YouTube фойдаланувчиси Михал Могила қизига Санта-Клауснинг борлигини исботлаш мақсадида ёзиб олган видеосини эълон қилди. Бу ҳақда TJournal хабар бермоқда.
«Олти ёшли қизим Санта-Клауснинг мавжудлигига ишонмай қўйганидан сўнг, ‘Соқолли қари йигит’ ҳақиқий эканлигига уни ишонтиргим келди. Сантанинг келишини тасвирга тушириш мақсадида, қизим билан бирга арча олдига камера ўрнатдик. У совғаларни кўриши билан, видеоёзувни кўрсатишни талаб қилди», — деб ёзади Могила видеога шарҳда.Видеоёзувда Санта-Клаус ҳақиқатан ҳам қизалоқнинг уйида тутун булутидан пайдо бўлиб, совғалар қолдиради, сўнг кўздан ғойиб бўлади.
«Баъзилар буни троллинг деб аташи мумкин, бироқ мен буни байрам сеҳри ва болаликнинг давом этиши, деб ҳисоблайман», — дея қўшимча қилган видео муаллифи.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)