Halokatga uchragan Tu-154 samolyoti ishlab chiqaruvchisi tergovga hujjatlarni topshirdi

Rossiyaning Samara shahrida joylashgan, yaqinda halokatga uchragan Tu-154 samolyotini ishlab chiqargan “Aviakor” zavodi tergov organlariga samolyot hujjatlarini taqdim etdi. Bu haqda “RBK” xabar bermoqda.

Tergov organlari vakillari zavodga 25-dekabr kuni tashrif buyurdi. Aytilishicha, zavod ular tergov ishlarini olib borishi uchun barcha sharoitlarni yaratib berishga tayyor.

“Aviakor” zavodini tasarruf etuvchi “Russkiye mashini” korporatsiyasining ma’lum qilishicha, halokat sodir bo‘lgan taqdirda texnik hujjatlarning tekshiruvdan o‘tkazilishi standart jarayon hisoblanadi. Bundan tashqari, qulagan Tu-154 ni qurishda ishtirok etgan xodimlar tergovga maksimal darajada yordam ko‘rsatmoqda, deyiladi xabarda.