Joriy yilning 23-dekabr kuni Davlat raqobat qo‘mitasi raisi Davron Hidoyatov Toshkent shahrining Yashnobod tumanida istiqomat qiluvchi fuqarolar va tadbirkorlar bilan uchrashdi. Bu haqda qo‘mita matbuot xizmati xabar bermoqda.
Mazkur uchrashuv qo‘mita tashabbusi bilan joyga chiqqan holda tashkil etilgan bo‘lib, u davlat va hokimiyat organlari, uy-joy-kommunal xo‘jaligi korxonalari, boshqaruv kompaniyalari rahbarlari ishtirokida xalq bilan bevosita muloqot tarzida bo‘ldi.
Uchrashuv davomida ishtirokchilar kommunal, mol-mulk, tadbirkorlik faoliyatini yuritish hamda tumanni obodonlashtirish bilan bog‘liq masalalarni muhokama qildi.
Bir qator ko‘tarilgan muammolar uchrashuvning o‘zida tezkor hal etildi. Qolgan masalalarni hal etish bo‘yicha manzilli chora-tadbirlar belgilandi.
Izoh (0)