O‘zbekiston Prezidenti Shavkat Mirziyoyev ijro etuvchi hokimiyatning joylardagi organlari va davlat organlarining hududiy bo‘linmalari rahbarlari uchun xizmat turar-joylarini qurish haqida qaror imzoladi, deya xabar bermoqda “Gazeta.uz”.
Hujjatga muvofiq, 2017—2018-yillarda xizmat uy-joy fondi qishloq joylarda qo‘llaniladigan namunali loyihalar bo‘yicha tashkil qilinadi. Qoraqalpog‘iston Vazirlar Kengashi va viloyatlar hokimliklari rahbarlari, shuningdek, davlat organlarining hududiy bo‘linmalari rahbarlari uchun 0,06 ga maydonga ega bir qavatli besh xonali uylar, tuman (shahar)lar hokimliklari va davlat organlarining tuman (shahar) bo‘linmalari rahbarlari uchun esa 0,04 ga maydonga ega ikki qavatli to‘rt xonali uylar qurish ko‘zda tutilgan.
Dastlabki hisob-kitoblarga ko‘ra, umumiy qiymati 312,4 milliard so‘mlik jami 1682 ta turar-joy quriladi.
Izoh (0)