Yelizaveta Glinkaning turmush o‘rtog‘i Gleb Glinka ayoli aviahalokat oqibatida halok bo‘lgani haqidagi axborotni tasdiqladi. Bu haqda “Snob” nashri xabar bermoqda.
“Adolatli yordam” jamg‘armasining ijrochi direktori hisoblangan va Doktor Liza taxallusi bilan tanilgan Yelizaveta Glinka 25-dekabr tongida Qora dengizga qulagan Rossiya Mudofaa vazirligining Tu-154 samolyoti bortida bo‘lgan.
Yelizaveta Glinka o‘zining xayriya ishlari, yordam tashabbuslari bilan tanilgan edi (u Doktor Liza taxallusi ostida blog yuritgan, 2010-yili Rossiyada yil blogeri deb tan olingan). 2015-yildan boshlab gumanitar missiyalar safida bir necha bor Suriyada bo‘lgan hamda suriyaliklarga dori-darmon tarqatish va tibbiy yordam ko‘rsatish ishlarida qatnashgan.Aviahalokatdan ikki yarim hafta ilgari, 2016-yil 8-dekabr kuni Rossiya prezidenti Vladimir Putin tomonidan huquq himoyasi sohasidagi yuksak natijalari uchun Rossiya davlat mukofoti bilan taqdirlangan. Taqdirlash marosimida so‘zga chiqqan Glinka xonim, jumladan, shunday degan edi:
“Ortga omon qaytishimizga hech qachon ishonchimiz komil emas. Chunki urush — bu Yerdagi jahannamdir. Men nima haqida gapirayotganimni bilaman” (hozirda mazkur videorolik ijtimoiy tarmoqlarning Rossiya segmentida faol aylanmoqda).
Доктор Лиза две недели назад: Мы никогда не уверены, что вернемся назад живыми. И я знаю, о чем я говорю pic.twitter.com/hLtD97HC2H
— Дмитрий Смирнов (@dimsmirnov175) December 25, 2016
Rossiya Mudofaa vazirligi axborotiga ko‘ra, samolyot bortida jami 92 kishi bo‘lgan; dastlabki ma’lumotlarga ko‘ra, ularning bari halok bo‘lgan. Samolyot Suriyaga uchayotgan edi, yo‘lovchilarning aksariyati Aleksandrov nomidagi ashula va raqs ansambli a’zolari bo‘lgan.
Rossiya Mudofaa vazirligi ma’lumotiga ko‘ra, ular Suriyadagi Xmeymim aviabazasidagi rus askarlari oldida chiqish qilishi kerak bo‘lgan; ayni vaqtda, ansambl a’zolaridan biri guruh Aleppo shahrida konsert berishi kerak bo‘lganini ma’lum qilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)