Вашингтон штатининг сайлашга вакил қилинган 4 нафар фуқароси АҚШ президентлигига Демократлар партиясидан номзод Ҳиллари Клинтон учун овоз бермагани учун 1000 доллар жаримага тортилди. Штат бош котиби вакили Дэвид Аммонс улар 60 кун мобайнида жаримани тўлаши, акс ҳолда судга берилишини билдирди. Бу ҳақда «РИА Новости» хабар бермоқда.
Қонунга кўра, штатнинг барча 12 нафар сайлашга вакил қилинганлари Вашингтонда ғалаба қозонган Клинтон учун овоз бериши керак эди, бироқ 19 декабрь куни улардан фақат 8 нафари шундай йўл тутди. Улардан уч нафари собиқ АҚШ давлат котиби Колин Пауэллга, яна бири Африка Ишонч Бургути исмли ҳинду оқсоқолига овоз берган.
Сайлашга вакил қилинганлар коллегияси таркибига кирувчи 538 кишидан жами 7 киши (5 киши Клинтон, 2 киши Трамп зарарига) мавжуд қоидаларни бузди. Бу коллегиянинг 23 аъзоси ўз фикрини ўзгартирган 1836 йилдан бери рекорд кўрсаткич бўлди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)