Chevrolet kompaniyasi yangi avlod Traverse krossoveri tizerini namoyish etdi. “Motor”ning yozishicha, yo‘ltanlamasning omma oldidagi premyerasi 2017-yil yanvarida Detroyt avtosalonida bo‘lib o‘tadi.
Suratga qarab, keyingi avlod modeli yon oynalarining nisbatan ingichka ekani, shuningdek, g‘ildirak arkalarining kengaygani bilan hozirgi modeldan farq qilishini anglash mumkin.
Yangi Chevrolet Traverse’ning texnik tavsifi haqida hozircha aniq ma’lumotlar yo‘q.
Modelning motorlar qatorida hozirgi Traverse’larga ham o‘rnatilayotgan hajmi 3,6 litrli, 288 ot kuchiga teng V6 yurgizgich bo‘lishi ham taxmin qilinmoqda.
Traverse to‘rt silindrli motor bilan ham ta’minlanishi ehtimoli yo‘q emas. Krossover ham old, ham to‘liq uzatmali versiyalarda xaridorlarga taklif qilinadi.
Yangi Chevrolet Traverse bilan bog‘liq qolgan ma’lumotlar uning 2017-yil 9-yanvar kuni bo‘ladigan rasmiy premyerasi arafasida ma’lum bo‘ladi, deb kutilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)