O‘zbekiston va Janubiy Koreya iqtisodiy hamkorlikni rivojlantirishni muhokama qildi

O‘zbekiston va Janubiy Koreya mamlakatlar o‘rtasidagi iqtisodiy hamkorlikni rivojlantirish masalalarini muhokama qildi, deb yozadi UzDaily.

Janubiy Koreya moliya vaziri Yu Il Xo va O‘zbekiston Bosh vaziri o‘rinbosari Rustam Azimov Seulda O‘zbekiston va Janubiy Koreya moliya vazirlarining to‘rtinchi uchrashuvi doirasida uchrashuv o‘tkazdi.

Yu Il Xo tomonlar energetika va resurslar sohasidagi hamkorlikni kuchaytirishini, shuningdek, sanoat sektoridagi sheriklikni mustahkamlashini ta’kidladi.

Uning ma’lumotlariga ko‘ra, mamlakatlar, shuningdek, Janubiy Koreya kompaniyalarining Toshkentdagi loyihalarni amalga oshirishda, shu jumladan, Toshkent aeroportining yangi terminalini qurishdagi ishtirokini kengaytirish uchun kuchlarni birlashtiradi.

Bundan tashqari, Janubiy Koreya ushbu loyihalarni Koreya iqtisodiy taraqqiyotga ko‘mak jamg‘armasi kabi jamg‘armalari yordamida qo‘llab-quvvatlash niyatida.