Arzimas bir-ikki yil ichida smartfonu planshetlar hayotimizning ajralmas qismiga aylanib ulgurdi — bugun biz bu qurilmalar yordamida nafaqat yaqinlarimiz bilan suhbatlashib, ular bilan birga suratlarga tushishimiz, balki u yoki bu xizmatlar, hatto mahsulotlar uchun ham to‘lovlarni amalga oshirishimiz, telefondagi ikki tugmani bosar-bosmay sovg‘alar xarid qilishimiz mumkin.
Auditoriyasi katta hisoblangan “Uybor.uz”ning bepul, qulay va tezkor mobil dasturi o‘zining qator ustunliklari bilan har bir xaridorga orzudagi uyni oson topish va ko‘chmas mulkini muvaffaqiyatli sotish imkonini beradi. Masalan, sotib olmoqchi bo‘layotgan kvartirangizni nafaqat batafsil e’lonlar ro‘yxati orasidan, balki xaritadan ham tanlashingiz mumkin. Hovli sotishda agentlar xizmatidan foydalanmoqchimisiz? “Agent izlash” funksiyasi sizga bu borada yordam beradi.
Mobil dasturning eng foydali funksiyalaridan biri — “Kvartirani baholash” bo‘lib, u o‘z kvartirasini sotmoqchi bo‘layotganlar uchun ham, yangi turar joy sotib olish istagidagilarga ham qo‘l kelishi aniq.
Xonadon parametrlari — maydoni o‘lchami, qaysi hududda joylashgani (ro‘yxatdan tanlash mumkin), u joylashgan bino turi (g‘ishtlimi yo panel?), klassifikatsiyasi (masalan, bank tomonidan qurilganmi yoki “Gabus”?), ta’mir holati (yevroremont, kosmetik ta’mir, ta’mirtalab, toza), uning metroga qanchalik yaqinligi, xonadonda mebellar bo‘lish-bo‘lmasligi, shuningdek, uy narxiga sezilarli ta’sir qiladigan yana ikki jihat — “Oxirgi qavat” va “Burchakdagi uy” punktlari bo‘yicha tegishli ma’lumotlarni ko‘rsatib, uyning taxminiy o‘rtacha narxini bilib olish mumkin.
Masalan, Chilonzor Oqtepa dahasidagi to‘rt qavatli g‘ishtli uyning so‘nggi qavatidagi taxminan 40 kvadrat metrli ta’mirtalab kvatiraning narxi qancha bo‘lishi mumkin? Barcha ko‘rsatkichlarni “Kvartirani baholash” sahifasida ko‘rsatib, “Baholash” tugmasini bosamiz va shunday javob olamiz (21 dekabr holatiga ko‘ra): “Bizning fikrimizcha, sizning uyingiz 14 528 dan 16 714 gacha turadi”. Bu raqamlarni shunchaki ma’lumot uchun bilib qo‘yish yoki bo‘lmasa smartfonda saqlab qo‘yish ham mumkin.
“Uybor.uz” vakillarining ma’lum qilishlaricha, “Kvartirani baholash” funksiyasidagi narxlar Toshkentdagi xonadonlarning o‘rtacha narxlaridan shakllantiriladi va har oy aniqlashtirib boriladi.
Uyingizni sotmoqchimisiz? Uy sotib olmoqchimisiz? Taxminan qanchaga narxlashni, qancha pul kerakligini bilmayapsizmi? “Uybor.uz”ning mobil dasturidagi “Kvartirani baholash” funksiyasidan foydalanib, sizni qiynayotgan savolga javob oling!
Izoh (0)